Endama TJA Ceylan Bagriyanik, a ke malbatanê tepişteyan ra pîya AMed de kewt Grevê Veyşanî vist vîrî ke nûmayîşê Grevê Veyşanî resyayê merhaleyêkê krîtîk. Bagriyanik aşkere kerd ke bi wayîrvejyayîşê Grevê Veyşanî ra do reyna îradeyê şarê Kurd serbikewo.
Endama Heyetê Îmrali û Endama Hereketê Cinîyanê Azad Ceylan Bagriyanik seba destegdayenê nûmayîşê tepişteyan, bi malbatan ra pîya kewt Grevê Veyşanî. Bagriyanik hayr ant tecrîdê vera Rayverê Şarê Kurd Abdullah Ocalan’î ser û aşkere kerd ke Îmrali de nika tecrîdêko ke dinya de nêameyo dîyayîş yeno ramiten. Ceylan Bagriyanik da zonayen ke bi na tecrîdî wazenê eleqeyê Ocalan’î bi civakî ra bibirnê, cok ra şexsê
Ocalan’î de, tecrîd pêrokîn şarê kurd û cinîyan rê ferz beno.
‘Astekê krîtîk de yo’
Endama TJA Bagriyanik hayr ant Grevê Veyşanî yê girotxaneyan ser û va: “Dûştê pêrokîn zorvajî û kerdenanê bêhiqûqî, tepişteyanê şoreşger destbi xoverdayîşeke gird kerd. No xoverdayîş ewro ameyo astêka zaf b irîskîn. Vera nê polîtîkayan xoverdayîşeke gird damûsnenê.”
Bagriyanik herzewbîn nayr ant Grevê Veyşanî yê aşma Îlone ser û vist vîrî ke, civak bi hawayêko xort wayîrê Grevê Veyşanî yê o demî vejya. Ceylan Bagriyanik ard ziwan ke wayîrvejyayîşê şarî serkewtişeke gird vete werte û qiseyanê xo wina domna: “Bi sayeya a nûmayîşî bi Rayverîye ma ra pêdîyayîş virazîya. Prosesê ewroyî zî bi eynî waştenî yo. Ganî ma dormeyê na xoverdayîşî de paştîdayîşî bidê embazanê xo yê zîndanî.”
‘Ma dê reyna serbikewê’
Endama Heyetê Îmrali Ceylan Bagriyanik qala şert û mercanê girotxaneyan ê serranê ’80’î kerd û wina va: “O wext bi pêşengtîya Esad Oktayan de waştî îradeyê serbest yê şarê kurd teslîm bigîrê. Dûştê nay de Sakîneyan û pêrokîn embazanê ma tuyê ser çimandê Esad Oktayî kerdî û bi xoverdayîşeke gird bîyayîşê civaka kurd resnay pêrokîn dinya. Çimeyê pêrokîn xoverdayîş û grevanê ewro netîceyê xoverdayîşê zîndanî yê o wextî yo. Her kes eke nêeşko çîyekê zî bikero, êşkeno keyeyê xo de veng vejero.”
Bagriyanik vist vîrî ke Grevê Veyşanî merhaleyêkê krîtîk de yê û va, “Waştenê embazanê ma, waştenê ma yê. Nayî ra ganî ma xoverdayîşê înan ra bibê yew û goreyê nayî hereket bikerê.
DÎHABER/AMED