Paytextê Fransa Parîs de 9’ê Çile ya 2013’î de hîrê cenîyê Kurd Sakîne Cansiz, Fîdan Dogan û Leyla Şaylemez ameybî qetilkerdiş. Roja qetlîam ra heta nika dawa-doza qetlîam de ravêrşiyînek nêbî. Pawitoxa dawa qetlîamê Parîs’î Pinar Akdemîr qise kerd. Akdemîr aşkere kerd ke, çarçoweyê cipersyayiş de, rexmê serodayişê dozgeriyê Parîs, labelê heta nika tirkiye ra zonayişî nêamey dayen.
Qerarê nimiten
Akdemîr aşkera kerd ke ser qirkerdişî cipersayîşêk Tirkîya de domyeno, qerar-birê nimiteye esto û wina vat: “2014’î de demo kilm reyde ser dosyaye qerarê nimiteye ame hawanayîş. Bi qerarê nimitene, dewletêke rolê ci qirkerdiş de esto, rolê ci yeno tarîkerdiş. Akdemîr ard ziwan ke, serva hewadayîş-wedarnayişê qerar-birê nimiteye muraceatê dozgerîn kerdo, la pêrokîn serpirodayişê înan amey kerdkerden. Pawitox Akdemîr vana, hetê hiquqî de destê ma ra çi bêro, ma dê ey bikerî.
Pawitox Pinar Akdemîr destnîşan kerd ke, çi heyf ke hema zî hayderî-zonayişê înan derheqê dosya de çîno. Seba dîyarkerdişê kerdoxî çi yeno kerdiş zonayişê îynan çîno. Çi ke dosya him malbat, him zî pawitoxan rê ameya girewtiş, herkes bawer o ke pey beran de doza ke bêro vînayîş çiqe bi edalet biba û wina domna: “Dozgerînê Parîs, serva barekerdişê zonayişan muraceatê Serdozgerînê Enqera kerdbi. Labelê wezaretî zî sazîyê edaletî yê Parîsî ra nêresnayo. No zî nîşan dano ke bi destê dewletan waziyeno ser qirkerdişî bêro girewtiş.
Pey qirkerdişî de qûwetê tarî estî
Ma çend finî-ray dîyar kerd ke no qirkerdiş, bi polîtîkayanê lêmin-qilêrîn ê dewletan ameyo plankerdiş, nayî ra pey na qirkerdişî de qûwetê-hêzê tarî estî û ma wazenî na doze ser hîna cigêrayîş bêro kerdiş. Heqê kiştox Omer Guney’î de Parîs de îdianame ameyo temamkerdiş, la no îdianame tirkî ra nêameyo açarnayîş. Seba ke Omer Guney welatijê Tirkîye yo, no ser zî ganî-gerek tirkî ra bêro açarnayîş û peynî de zî pêşkêşî maqamê Tirkîye bêro kerdiş.”
DÎHA/ENQERA