Welat sey cennetî yo, la sewir o. Welat dayî ya, wexto ke welat  sewir bo, dayî zî sewira.

Wexto ke, dayî sewir bi, ziwan zî sewir o.
Raştî ra ziwane ma sewir o. Qedexe yo.
Biewnê siba “Roje ziwanê dayî yo”.
Ziwanê ma de yew mekteb esta?
Ne.
Ziwanê ma de yew dersxanê esta?
Ne.
Nika zaferê dayîyan qijanê-tut, domam- xo ra kurdî qise kenî?
Ne.
La bi kam hew ziwan qise kenî?
Bi ziwanê dagirkeran qise kenî.
Raştî hina va, la ma reyna ferqê qirkerdişê hina tehluqe de nîye.
Biewnê fîlozofên Kurd ser ziwan çi vato.
Fîlozofen xerîb çi vato.

Verînanê ma çi vato.
Gera ma seyî no çîye re ders veji.
Fîlozofê Kurd Ehmede Xanî, semede çi Mem û Zîn û kîtabe din Kurdî nuştî hina qise keno.

“Zelal vera da, qilerîn-lîşin- şimit.
Ziwane Kurdî sey încî.
Kom kerd û ard nîzame
Û hina qey-seba- peronî cefa anta
Wa şarê bîn nêvaje
Kurd tenê  bê merîfet, bê esl û bê mîratî.
Tewir mîllet wayîrê kîtabî.
Kurd tenê  bê hêsabin”.
Filozof Melayê Cizîrî seba aşqê xo ya ziwan û Kurdîstan na tewir vano.
“Ez aşiqê nazîk û waştîya ya.
Mevajenê bê ser û bê sermaye ya.
Gulê baxçê cennete Botanî ya.
Şewçilayê şewê Kurdîstanî ya”.
Filozofê xerîb Mîamî, seba mîlletê bindestê ke, zimanê xo qise nîkenî hina qal keno û hîşyar keno.  
“Eger mîllete bindest bi ziwanê xo nê, bi ziwanê mîlleta serdest qise bikerenê yena no mane ke, çîyê dişmen zerre ra qêbûl kenî.  No çîye seba rewakerdişa serdestîya  serdestan de paştîdayîşa en girda”.
Ma biewnê no qise û biewnê mîllete Kurd.
Milletê Kurd se kena.Ziwanê Tirkî qise kena. Dişmen kena zerre xo. Tehlûke esasî ina va.
Seba ziwanî  Fîlozofê Çîn Konfîçyus, 2500 serrî vercû  hina qise kerd o. “Eger şima wazenê ke seba xo şarê ke bindest bikerê, verê heme çîyon ziwan û deyiranê ci biheriminê”.
Dişmenê ma T.C .se kerd?
Eynî sey Konfîçyus 2500 serrî vercû qise kerda, hina kerd o. Tirkan ziwanê ma qedexê kerd, ziwanê ma qedexê kerd, ziwane ma heriminê, yarî ye xo ziwanê m ara kerd.
Deyîre ma ra va, nê deyîre-kilam- Tirkî ye.
Deyîre ma kerd deyîrê xo û heriminê.
Helê bi ewnê verînanê-baw û kalan- seba ziwan çi vato.
“Merdim bi reng û vengê xo rindek o”
“Ziwan nîme însanî yo”.
Ma bi ziwanê xo qise nîker ma seyî bi reng û vengê xo benî rindek.
Ma bi ziwanê xo qise nîker ma seyî benî însanê temam.
Însane nîme nê beno însan.
Kirde nîme nê beno Kird-Kurd, Dimil, Kirmanc, Zaza-