Welatij nameyê ey Ridvan Şeşen aşkera kerd ke taybetê rojê peynî ser HDP hêrişan zaf bîyê û wina vat: “Çi heyfo ke dewleta tirk nê hêrişkaran pawiyena. Taybetê no tarz hêrişan tena yew kesî ser yena veradayiş la ma zî zanenekê rewş ona nîyo. Nê hêrişî peynîya pirsgirêkê zîhnîyete qewimyenî. No hêriş belkî Karataş ra ameya kerdiş, ma zanenekê esil hedef partîya HDP a. No hêrişkar di zereyê partî de kam bivînaynê o/a ra hêriş bikerdî, çimkî di noca de esil armanc hêrişkerdişî fikr û îdeolojîyê partî yo. Ganî rayedarê dewlete vatişê xo faşîstî ra fek verabidî. Ma no zîhnîyete tundî şermezar kenî.”
Hewna Kadrî Mecat zî ciresna ke taybetî bi serrana ke partîyê kurd hêriş yena kerdiş, êdî no tarz hêrişan fek bêro veradayiş û ê nêwazenî şer bibo la belê dewleta gladîyo no tarz hêrişan organîze kena ke di mîyanê şarê kurd û tirk de şer bivejîyo.
Abdurrahman Sarikuş zî vat ke kam partî ra no hêriş biameynê kerdiş do înan şermezar bikerdî.
Şeyhmuz Fîdanci dîyar kerd ke ê wazenê êdi Tirkîyaye de aştî û aramî serwer bibo û no ser zî ganî nê hêrişkaran hesab bêro persayiş.
DÎHA/AMED