Di zanîngeha Sutçu Îmam a Gurgume de bi hetkarîya polîsê AKPe hêzê faşîst hêrişê wendekarê kurdê welatperwer kenî, armancê faşîstan ayo ke wendekarê kurdê welatperwer Gurgume ra bivejnî. Wendekarê welatperwer Ronahî Bayram aşkera kerd ke verê hêrişê polîsê AKPe ê seba xobixo faşîstan ra pawiyayiş rê zanîngehe de xo sitar kerdî la belê peynî polîsê AKP amey hêrişê înan kerdî.Bayram wina vat: “Hêzê faşîst bi hembarîya polîsê AKPe di zanîngehe de caman şikitî û bi hovitîyê ma ra hêriş kerdî. Polîsan bi darbkerdişê ma girewtî binçimê. Di zereyê wesayîtê de zî ma kutî û di edlîye de zî bi kelepçeyan ma kutî. Armancê polîsê AKP û hêzê faşîst ayo ke ma wendekarê kurdê welatperwer Gurgume ra bijvenî. Wazenê zey terteleyê Gurgume ser ma de terteleyê bişuxulnî la ma qet Gurgum ra nêvejî û ma têkoşîna xo bi heq ra dewam bikerî.”
Hêrîşê bi organîze
Hewna wendekarê kurd Çîya Aydin zî destnîşan kerd ke hêrişê nijadperest ser kurdan bi serrana ke domyena û di dema nêzdî de embazê înan a Tekîn navenda Gurgume hetê nijadperestan ameya lînckerdiş û wina dewam kerd: “Dema hêrişê faşîstan destpê kerd ma xobixo pawiyayişê waşt di kantînî de xo sitar bikerî la belê polîsê AKP û hêzê faşîst bi hembarî hêrişê ma kerdî. Polîsê AKP seba hêrişê caman şikit û camê şikiteyî reyde ser ma hêrişê dijwar kerdî.”
Dîmenan nimite
Aydin wina dewam kerd: “Di kantînî de kamera estbi la belê dîmenê no kamerayî dozgerî ra nêamedayiş. Çimkî armanc kerdî ke ma sûcdar bikerî. Yew polîs min ra vat ke; sûcê şima çin o ma zanenî la belê cor ra emîr ma ra ame û di emîr de vatê; bişiknî parçe bikerî, heme wendekarê kurdê welatperwer bigêrê binçimî, eke şima ber nêakerdî do sere şima bi bombeyê gazî hêriş biameynê kerdiş.”
Tesadu nîyo
Aydin aşkera kerd ke qey taybetî nê hêrişan rojê azmûnê fînal û vîzeyî destpê kerd û wina vat: “Armancê faşîstan di zanîngehan de bê veng veradayişê wendekarî kurd o, çarçiweya no zî nê hêrişan amey viraştiş û polîsan ma girewtî binçimî. Polîsan ma bê delîlî girewtî binçimî, ma dozgere de îfadeyî xo zî da la belê qet verçimî nê îfadeyê ma nêame verçime girewtiş. Tena ser ma de kaykerdişê xo leyminî kaykerdî.”Wendekar Rizger Ozegîn ciresna ke çi heyfo ke hema zî zîhnîyeta terteleyê Gurgume dewam keno û wina peynî kerd: “Armancê na zîhnîyete di bin bandora xo de tepiştişî wendekarê kurdê welaperwer o, di zereyê adlîyeye de zî daxî ma ra hêriş û gefê faşîstan dewam kerd. Hem hetkarîya polîsê AKP hem zî hetkarîya zîhnîyeta terteleyê Gurgume ser nê faşîstan har benî. Di nêzdîbîyîşê polêsê AKPe ser di zanîngehan de ewlehîya ganê ma nêmendo û rayedaran fek no nêzdîbîyîşê xo ra verabidî.”
GURGUM