Tirkîya bi maneyeke tam ravêrayeyek tenbîyo ra ravêreno. Tengbîyayiş (bunalma) tenê sîyasaley de nê, temamî yo û Tirkîya bi ney halê xo semedê weçînayişî hadreyî kena. AKP demeke zaf derg weçînayişan qezenç kerd û heme lebatêy dewletî girota destê xo û hukmê ci kena. Her ke hukmê ci zexm beno zextêy ke civatî ser de zî zêdîyenêy û zey kabûseke şarî ser de şina. Semedo ke kabûsî bido dewamkerdiş ra bi heme hêzêy xo hadreyeya weçînayişê aşma Hezîranî kena û wazena hegemonyay xo tahkîm bika û îlan bika. Yeno vînayiş ke AKP her roj civatî gena bin ceridnayişê xo bin. Wazena bi hîle, bi zûr, wazena bi pereyan îqtîdarî bida xebitnayiş û heme kesan bido hezmkerdiş. Bi her halûkarî AKP wazena ke nufûzê heme civatî bikera. Partîya ke hukumdarîya ke hewna hemeyê civatî nêgiroto lepê xo eger nêy çîyan kerdo se, weçînayişê ke ma ver de eger qezenç bikero do se merdim tamxîn keno ke çiçî bikera.
Şarîy se bikerêy?
Ey wextî de Kurdistana Tirkiyayî de ma şikyenê se bikerêy? Semedo ke tahakuma xo hîra bikera AKP xebatan kena. Ma do senî ney biderê vindarnayiş. Verbê AKPa ke dilê ey zîft giroto ma şikyenêy xoverdayişeke senî biderêy? Çepijîy, sosyalîstîy, welatperwerêy raşteqîn, dormepawitox (çevrecî), femînîst, sazgerêy civatî, sendîkawan û bi lilmî kesêy ke verbê hegemonya AKP wazenêy şer bikerêy şikyenêy se bikerêy? Verpersa ney cîranê ma Yunanîstan bi sey SYRIZA verpers da. No verpers tenê Yunanîstanî de nê hemeyê Ewropayî de bi no hawayî verpers da. Rewşa Yunanîstanî ke betalî û nerehetêy merdimatî asta çorinde yê raşteyek o. No semedî ra zaf merdiman Yûnanîstan ra koç kerdêy. Şar semedo ke problemîy biqedîyê raya xo day SYRIZA ke wa rewşa esto bi çimverî weş bikera. Ma vîra mekerêy ke SYRIZA rewşa nerehetî dayo pergalî, hukûmatî û dewletî heme vet û resa înan. Rewşa Yûnanîstana ke kewto celbî rafîna çiman ver. SYRIZA yena mana Synaspîsmos Rizospastîkîs, Arîsteras (Koolîsyona Çep a Radîkal). DERS
Girotoş lazim o Syriza
Bi waşteyê zaf şênber (soyût) vejya meydanî. Zey nimûne; memorandûmêy ke bi ÎMF û YE (Yewiteya Ewropa) heme çînê hesibna. Hetê nînan mafê kedkar (îşçî) karmend (memûr) ke bi qanûn ameyê werdiş apeya bigero. Pergala rayîrabedişî, wezîrtî de çîy ke hukumdarîya înan bin de ke rehetî mûsayê semedo ke weşkerdiş bibêy. Bankayê ke bi mîlynana euro sazgereyî (kamû) ra girotêy bikoro bin kontrolî, deyn çica ra dest pê kerda bivîno û bi komsîyoneke mîyanetewî awan bikero û tespîta deynê Yunanîstanî biko û deynî taloq bikero ra waşteyê ey estbîy. SYRIZA bi ziwaneke zelal ardbi ziwan ke wexta ke bêro îktîdarî do se bikero. No vatişê ey ê zelal bandoreke yûnanijan ser de verda û bawerîya şarî qezenç kerd. Heta bawerîya ke ey da şaran, bi wesîleke zaf kesêy tewr bi tewr bawerî û partîyan ra bîy zî ray bidero ey.
Îspanya nimûneyek o
Îspanya de PODEMOS zî eynî pergalî de eynî stratejî viraşt. Bi rayberteya mamosteyê zanîngehî Pablo Îglesîas bi nameyê ‘Hersbîyayî’ namdar bi û vengê xo vila kerdîy. Verbê kedişêy hovanê welatî de ekonomî û sîyasî de hereketeke şarî vejya meydan û POMEDOS (maşikyenê bivirazêy) ra partîyeke serkewte bi û ard ziwan ke weçînayişeke bînî de do îqtîdar bibo. PODEMOS derûdormeyê ke alaqedar bi û mijarêy esas yê ke ardê ziwan: Derheqê perwerdehî: perwerdehî pawena, karê înan nê heqê ma yo. Verbê xizanî de tedbîran girot: mafê xo yê heweynayişî qezen bikê û semedo ke ceza karê fînansî ra muaf bibêy peynî bikerêy. Semedê weşeyî: herkesî ra hersî rê xizmetê weşeyî. Semedê deynîy newera bêrêy dîzaynkerdiş û barkerdiş û zwb. zaf çîyan de waadîy day û vatê ke ma do bîarê ca. Tikey vanê beno ke Îspanyayî de perîşaneyeke zaf xedar ameynê cuyayiş ra hereketeke zey PODEMOSî civat qebûl vîna. Her se beno wa bibo bandoreke pergala Îspanyayî ke esto ser de viraşt. Zaf derûdormey ke nerehetî cuyayê ard pêhet. Bi toreke hîra- tewînaye (esnekçe) bibo se zî- kar û barê rayvistişî de karkerd.
Syriza bawergi da şarî
Bi kilmî; partîyê PODEMOS û SYRIZA mafê xo bi haweyeke ferz modernîteya kapîtalîstan mexdûr kerdbo zî, heme hetêy ke nerehet bîyê ardîy jû meydanî û serkewte bîy. Verbê polîtîkay estêy û yên verîn rengê xo dîyar kerdîy û şarî ra eşkera vatîy û raşteyan ardî ziwan. Şaran zî înan ra bawer kerd û hêvî bi înan girê day. Partîy semedê şarêy xo zey hêvî vejyabîy meydan û serede Ewropa û zaf şarêy bînan ra zî bîy hevî û pey vatişêy xo vindertîy. Tirkîyayî der her çiqas bêro nimitiş se zî perîşaneyeke zaf xedar esto. Bertîl (ruşvet) heme qadan de vila bîyo. Merdişê kedkaran bê hûmar o. Roj bi roj humara betalî zêdîyeno. Qetilkerdişê cenîyan û zextêy ke înan ser de estêy seyî ra 400 zêdîyay. Mafê îhlalkerdişê merdiman sînor nêşinasneno. Dewleta polês bi gazeke tam wazena ke xo hakîm bikera. No tewr çîy mafê şaran ser de hegemonyayeke newe dana teşekerdişî. Ma vîra mekerêy ke xirabebîyişê dewletan bi deneşeyê tewrên çorin ke ma ard ziwan pêk ameyê. Hetê bînî ra zî lazimo ke ma xirabebîyişê dewletî de xoverdayiş û serkewtişê şoreşî vîra mekerêy ke her xirabebîyiş bi xoverdayişê şoreşgerî beno. Wexta ke rewş wina yo, kerdişêy partîyê
Podemos û Syriza
kerdîy, Tirkîyay û Kurdistanî de verbê fasîzma AKPî kesêy ke nerehet benêy çira meyro bin baneke? Ya zî ma winan bivajê; zaf zor o ke kesêy bi îdeolojîyê tewr bi tewr, nameyan, rengan verbê fasîzmî de yew enîyeke de ca bigê? Ne bivajê ez, ne bivajê ti, lazimo ma bivajê ma û verbê fasîzmî vindertiş bi raştî zaf zor o? Bi kilmî ma eşkera bikerê se; indî wext wexta verbê AKP fasîst bi yew can û yew ruhî vindertişî yo. Lazimo ke indî ma dim boça partîyê dewletî nêvinderêy, bawerê xo bikerêy û heme rengan û şaran bîyarê têhet û weçînayişî qezenç bikerê yo.