Hemserokê Komeleyê Alewiyê Demokratîk Dûrsûn Demîrtaşî de derheqê Terolar de viraştişê qampa 27 hezar kesan yê penaberan de Dersim de damûstayîn da.Demîrtaşî va warê weşî cayê pêhetameyişê însanan, newe ra hilberîyê qise, tewir, fikir, îtiqat û kulturî yê. Mekanê îkrardayiş û bi kaînatî ra îrtîbat viraştişî yê.
‘Goreyê erkanê rayirî nîyo’
Demîrtaşî da zanayiş ke zihnîyetê netew-dewlet ke tayî çormeyanê alewîyan ra zî paşt gêno herem de yeno ferzkerdiş û wina va: “Dewanê Terolar de wazîyeno ke xeta Riya Heq de bîyayişê îtiqatî, ziwan, kultur, kamî, civak, erkan, xoza û pêrokîn erjayê ci bîrê çinîkerdiş.”
Hemserokê Komeleyê Alewiyê Demokratîk Dûrsûn Demîrtaşî tayî sazgeh û kesayetê alewî rîwalê destekdayişê hewldayenê viraştişê qampanê mûxacîran û goreyê erkanê rayirî hereket nêkerdişî sûcdar kerd.
Planê Şark Îslahatî ferz kenê
Dûrsûn Demîrtaşî vist vîrî ke alewitîya Riya Heq tarîx de her dewr teberê îxtidar de bî û da zanayiş ke alewî meseleyanê xo bi aqilê dewlet nê bi kulturê ‘civatî’ çare kenê.
Demîrtaşî va aqilo ke meseleyan vejeno ra çarekerdişî pawitiş, hetê nêheqan de ca girotiş o û wina va: “No aqil, bi aqilê dewlet ke ronayişê komarî ra heta na roj yeno ra eynî yo. Dewê Terolar de îtiqat, kamîya civakî rê terkî ferz kenê. Herem de reyna Planê Şark Îslahatî ferz kenê. Rixmê planê xorîn şarî ra nimitişê heqîqetî, yê ke bi heqîqet nezdîyê mesele benê înan zey ‘yê bînî’ damûsnayiş bi hemveranê xo ra jûbîyayiş o.”
Dûrsûn Demîrtaşî vist vîrî ke mantiq o ke yê ke hewl danê mesele bi erkanê rayî çare bikerê bînîkerdiş mantiqekê teng o û wina dewam kerd: “Mantiqê çarekerdişî û pratîkê ci girotişê bin tekelê xo, pratîkê bînî zey ‘yê bînî’ damûsnayiş, hedef girotiş pratîkê bi plan, program yê aqilê îxtidarî yo. Çarçoveyê na planî de vernîya pêresnayişê şarî bi heqîqet girotîyê.
Qeymeqam alewitî keno dewletbîyen
Hemserokê Komeleyê Alewiyê Demokratîk Dûrsûn Demîrtaşî vist vîrî ke sazgehê ke Terolar de îdia kerdî ke ê mesele çare kenê îradeyê şarî çinî hesibnay û aşkere kerd ke no zihnîyet xîzmetê neslê zilimkar yê îtiqatê nehaqî keno.
Dûrsûn Demîrtaşî ard ziwan ke bin qilifê ‘tekoşîna gird yena dayen’ bîyê wertexê zihnîyetê netew-dewlet û qirkerdenê ci yê fizîkî û kulturî. Demîrtaşî hayr ant bi înisîyatîfê qeymeqamê Dûlkadîroglû viraştişê erkanê cemî ser û va benê sebebê alewitî cewherê xo ra vetiş û dewletbîyayen.
DÎHA/DERSIM