Qezaya Westanî ya girêdayîyê Wanî de zî simz û şîlanan bazar de, dezgeyan ser o cayê xo girewt. Nê simz û şîlanî hetê domanan ra daranê dasîyînan ra, bi zor û zehmet ênê aredayene. Domanî seba ke xercîyê xo vejê û seba ke îhtîyacîya xo yê dibistane bivînê nê simz û şîlanan danê are û roşenê.
Dermanê nêweşîyan ê
Simz û şîlanî, seba ke pirê vîtamînê Cyî yê û seba ke suzî, kolesterol û nêweşîya şekirî rê û seba ke harsime rê baş ênê aşmanê zimistanî de zaf ênê werdene û şimitene. Domanan ra Fuat Demîrî derheqê aredayene û rotena simz û şîlanan de qiseyî kerd û va: ma pêro wendekarîme. Ma wextanê xo yê talan de şonîme simz û şîlanan aredanîme û Pazar de roşenîme. Ma pîya aredanîme û pereyan zî mabênê xo de kenîme pare.
Mehmet Taş ê 11 serreyîyî zî va: Darê simz û şîlanan zaf six û dasîyînê. Wexto kem a danîme are, telîyî şonê destanê mara. Destê ma mabênê gonîye û gonîşîrî de manenê. Seba ke nêweşîyan rê baş ênê her kes simz û şîlanan herîneno. Roje 5 yan zî 10 tl qezenc kenîme. Bi nê pereyan ma îhtîyacîya xo ya dibistane vînenîme.
DÎHA / WAN