Damûstayîn de vajîya ke Tirkîye de derbe 15ê Tîrmeh de nê, 7ê Hezîran ra dima destpa kerd. Bîlgenî aşkere kerd no welat do tewr peynî de şert û mercanê derbe ravêrno û va ‘senî ke serrê verî vêrdî ra, nê rojî zî dê ravêrê.’ Verfekê HDP Ayhan Bîlgenî rehîngirotişê wekîlan zey hewldayenê tesfîye hesibna û va, ‘No lînçkerdişê sîyasîyo, vengê linganê rejîma faşîzmîyo.’ Bîlgenî vist vîrî ke rixmê pêrokîn manîkerdişan iyê dê vengê xo bidê aşnawitişe.
Amed de zî temsîlkaranê KCD, KJA, DBP û HDP kombîyayişa çapemenî viraştî û vajîya ke AKP bi adir kaykena.
‘AKP bi adir kaykeno’
Hemseroka KCD Leyla Guven vist vîrî ke AKP bi adir kaykeno û hewl dana îradeyê kurdan bişikîno, bin bendawê weçîntayişî de biterno û bierzo teberê sîyasetî. Guven vengê xoverdayişî da û wina va: “Nika wextê xoverdayişî yo. Şarê Kurd do bêveng nêmano. Wextê qiseykerdişî qedîya. Roj roja xoverdayişîya.
Hemseroka DBP Sebahat Tuncel zî da zonayen ke derbekarê esasî şewa verî vejîyayê werte. Tuncel vist vîrî ke Demîrtaş û Yuksekdag temsîlê 6 mîlyonanê û wina va: “No hêriş nîno qebûl kerdiş. Ma dê ti wext tekoşînê demokrasî û azadî ra fek vera nêdê. Hemverê nayî de bêvengî pîyakarîya sûcî ya.”
Damûstayîn ra dima, Hemseroka DBP Sebahat Tûncel û Hemseroka KCD Leyla Guven wextê nûmayişê roniştişî de girotîya bin çiman. Heto bîn ra, ESP, ABF, HDK, ABF, TJK-E, KJA, KCDK-E dûştê faşîzmî de vengê xoverdayişî day.