Di netîceyê raporê ame hadrekerdiş de derheqê hemşaredarê Xinûse Hasan Basrî Firat û Gulay Peker û Karmendê Karê Fenê Abdulhekîm Firat de bi hinceta ‘Zirar day komeleye’ biryar 57 hezar û 333 TL. pereyê xerc kerdî bêro girewtiş da. Doza Dozgerê Komarê ya derheqê hemşaredaran de bi hinceta ‘pesnê sûc û sûcdar da’ akerde zî hema verdewam keno. Firat û Peker dîyar kerdî ke biryara ameyo dayiş sîyasî yo û do îtîraz bikerî.
Biryarê sîyasî yo
Firat dîyar kerd ke biryar ameyo dayiş bi temamî sîyasî yo û biryar nişaneya dewlet qet dest polîtîkayê înkar û çinkerdişê kurdan veranêdano û wina vat: “Mufetîşê Wezaretê Karanê Zereyê ra amey bi aweykî keyfî hişmendîya polîtîkayê înkar û çinkerdişê kurdan a di dîroka komare de verdewam keno ravistê ver çiman. No ser zî biryarê dayî zî bi temamî sîyasî yo. Seba ke Şêx Seîd nirxekî Kurdistanî yo, no yewê qebul nêkenî. Samîmîyeta dewlete ya di verba kurdan de rayeke sewbî vejîya meydanî.”
Nirxekê Kurdistanî yo
Hemşaredar Gulay Peker zî destnîşan kerd ke Şêx Seîd nirxekî muhîm ê Kurdistanî yo û wa no nirx bêro cuyayiş. Peker ard ziwan ke di heremê de Şêx Seîd ra hurmetekî gelek gird est o û wina vat: “Şêx Seîd nirxekî muhîm ê Kurdistanî yo. Wa teqez vîranînê Şêx Seîdî bêro cuyayiş. Astegîyê ona verîya ma nêgêno. No ser zî ma do waştişê şarê bîyarê cayê xo.”
ERZIROM