Verê raydayişê wekîleke seba eşrawitê Dadgeha Mekaqanûnê hûmarî înan 221 bî la verba na rewşe zî do 314 wekîl nêeşrawitişê wezaretan ser ray bidaynê. Verê raydayişê mîyanê di dorûverê 93 ray ferq est bi. Karê îqtîdarê hîna rehet bi, çimkî hûmarê wekîlê AKP hîna zaf bi.
Peynîya raydayişê ona tabloyek tuhaf vejîya asaneke seba eşrawtişê wezaretan ser 245 wekîl ray da. Yanî 30 wekîlê AKPî zî seba eşrawitişê wezaretan a Dadgeha Mekaqanûnî ra daybî, eke wekîleke rayê vila nêdaynê do Egemen Bagiş bişîynê Dadgeha Mekaqanûnî. Eke partîyê muxalîf heme wekîlê xo biardînê do nê wezaretan biameynê eşrawitişê Dadgeha Mekaqanûnî. AKP di na babete de muxalefetî ra ardim kerd la belê muxalefet nêeşkîya na rewşe avantajê xo ra bişuxulno.
Guya zordayiş çîn o
Peynîya raydayişê vejîya asan ke di zaf hûmarîy de wekîlê AKP operasyonê 17 û 24 kanûne zey operasyonê Cemaetî nêvînenî. Peynîya weçînayişê tablo ya AKP senî bibo hêdî hêdî dîyar beno. Taybetî di weçînayişî de raydayişê Egemen Bagiş wekîlan qerqezna. Guya verê raydayişê hukûmata AKP vat bi di weçînayişî de tade çin o la belê peynîya weçînayişê AKPij Gulay Dalya û Osman bi pulan xo kabîneyê weçînayiş ra vejîyay. No zî tade û zilma AKP ser weçînayişî aşkera mojna.
ENQERE