Na turbe de naşê Şah Suleymanî û di yawerê yê estê. Bi gor dîrok awankerdişê împaratoriye sera 1299 deya. Na împaratorî bi gor şert û mercê yê wextî zêde bî hera. Zehf axe girot bin hîmayê xo. Bi yo sazî bî împaratorî. hukûmeta dewleta tirk hinû (tim) pesnê xo dano vano; axa min a teberê tixûbê Tirkiya de axa turba Şah Suleymaniyî. Ez a axe pawena. Verpersê giştî yê leşkeran bi telsiz verpersê ya turbeydire xeberî dêy vatê; şima qet meraq mekerê. Çi wext serê şima deja, şima mara vajê ma bi lez û bez bi temamê teknîk û techîzatê xo. Zey xizirî yenê hewarê şima. Çi qewet nêşkeno ewca teda ro şima bikero. Ma bi her derfet û îmkanan peştê şimade vindertê. Nê çend rojê na turbe yena qisey kerdişe.
Nê rojan de sekerdo, sebiyo. Bi gor vatişê yine cawo turba sero ameya viraştiş, bi tewrê berengê caye des citêri (donim) ya. Dekewta bin tesîrê çeteyanê DAIŞî lazimo bêro xelesnayişe. Merdim gava fikiryeno, merdim vano lazimo leşkerêkêy ewca manenê teba nêro sere yine. Bi saxî û selametî yine bixelesno. Cayê turba zî sero bêro xeberdayiş. Temamê çapemeniya dinya yê ray hevalê hukûmata AKP nîye vanê; bi hetkariyê YPG bi verpersê meclîsê KOBANÎ birêz Enwer Muslimî dir ameyo xeberdayiş. Bi hetkarîya yine no leşker amewo xelesneyiş. Enê leşkerêk ganê xo dest dawo. O zî bi qeza, qelpaxe wesaîtê yine ginawa serê yê leşkeri ro, leşkeri ganê xo dest dawo. Nika avanîya ku ewcade bibîya ya awayî şawa wi. Sedem zî vanê kes a awahî bi kar nîyaro. Heta etya baş, mantixêkê cê esta.
La na turba nika arda di sey mîtro tixûbra nizd raynê des citêrî erdî ser avahiye viraşta. Qaşo teberê tixûbî de ma wayir des citêrî erdê, keyfê ma ça biwazo mawo turba xo ewca virazime. Ma turba ça viraşte ewca beno yê ma. Merdim wayir exlaq û wijdanîbo. Ratş bivîno, raşt vaco. Tenê merdim nêvîneno. Ewro teknîk raver şiyo heme çiyêko qewemyenê heme dunyara eysen û verçimandê. Têkiliye bi verpersê Kobanîy dire nêameyê ronayiş ardişê yê leşkeranê turba hende birehetî nêbiyayê. Lazimo na hetê hukûmata AKP ra bêro vatiş. Na raştî bêro vatiş, semed şarê na erdnîgarî pêroyine baş û selametiya.
Şimawo hetêkera diyalox û muzakere bikerê. Go hetkarî şima dire bêro kerdiş. Pêro dinya bivîno. La şima wo bilimnê. Yew bînezî keyfê ma ça biwazo mawo ewca des citêrî erdî sero turba virazim ewca beno erde ma. Na huqûqê ti dewêlande çinyo. No zî go nêro qebûlkerdiş, roj bibo go no şima ra bêro pers kerdiş. Vatişêkê verînan esta: “joy nan bi goş nêwerdo”. Raynê; “yew zî ker niyo, kor niyo”. Heme ciy verê çimando yeno vînayiş û şinawitişe zî.
Nesîp GULTEKÎN