Di 19’emîn dabeşkirina xelatên nivîskar û siyasetvanê Kurd Îbrahîm Ehmed de Hevseroka KCD’ê û Parlementera HDP’ê ya Colemêrgê Leyla Guven ku ev 153 roj in li dijî tecrîda li dijî Rêberê Gelê Kurd Abdullah Ocalan di greva birçîbûnê de ye, hate xelatkirin.
Li Silêmanî li Hola Tewarî Hunerî, 19’emîn xelatên bi boneya salvegera roja wefata nivîskar û siyasetvan Îbrahîm Ehmed a sala 2019’an bi merasîmêkê hatin belavkirin. Di nava kesên hatîn xelatkirin de Hevseroka KCD’ê û Parlamentera HDP’ê ya Colemêrgê Leyla Guven ku ev 153 roj in li dijî tecrîdkirina Ocalan di greva birçîbûnê de ye, xelata zêr wergirt.
Xelat ji aliyê Şanaz Îbrahîm Ehmed ve hate dayîn. Li şûna Leyla Guvenê, Hevseroka Nûnertiya HDP’ê ya Başûrê Kurdistanê Muzeyen Guneş xelat wergirt.
Muzeyen Guneş di merasîmê de peyama Leyla Guven pêşkêş kir.
ROJNEWS / SILÊMANÎ