Quwetanê dewlet vizêr Elezîz de eştî xêlê keyeyan ser û Hemserokê sûk yê DBP Mehmet Nafiz Koç ra pîya 10 kesî girotî bin çiman. Operasyonê qirkerdenê sîyasî ke vizêr seatanê sodir de amey ramiten de Koçî ra pîya Şaban Bal, Zehra Konar, Sûat Yavûz, Alî Haydar Avci û Erdem Yildiz ra pîya 10 kesî girotîyay bin çiman.
Riha de zî şewirmendê verî yê parlementerê HDP yê Riha Îbrahîm Ayhanî Mehmet Sitki Dehşet netîceyê sereştişê keyeyê ci de ame binçimkerdiş û berdîya midûrîyetê emnîyetî. Heto bîn ra şewirmendê Ayhanî Ramazan Firat û yê Dîlek Ocalan Ezgî Koca bi qerarê Qerarnameyê Hukmê Qerarî wezîfe ra amey îxrackerdiş.
Colemerg de 4 kesî girotîyay
Colemerg de zî polîsan 4 kesan girotî bin çiman. Sekreterê verî yê Îdareyê Taybet yê sûk Suleyman Kaya, mordemê karî Lokman Ozerk, Remzî Ozdemîr û Bişar Mavîgoz ke girotîyay bin çiman berdîyay midûrîyetê emnîyetî. Heto bîn ra 9 kesê ke 12ê Cotmeh de netîceyê sereştişê keye û cayanê kar de amey binçimgirewten hona emnîyet de yenê girotiş.
NAVENDÊ XEBERAN