Amed de vizêr netîceyê sereştişê keyeyan de, aktîvîsta TJA Ayşe Gokkan û Sara Aktaş, endamê Meclîsa DBP Salih Keleş ra pîya xeylê sîyasetmedarê Kurd amey tepiştiş.
Vizêr Amed de polîsî reyna vejyay seyda sîyasetmedaranê Kurd. Polîsan seatanê şodirî de eştî xeylê keyeyananê sîyasetmedaranê Kurd ser. Netîceyê sereştişî de aktîvîstanê Tevgera Jinên Azad (TJA) Sara Aktaş, Ayşe Gokkan, Zeynep Altinkaynak, Nalan Gozenî, Şahcan Tunel, Sibel Îldan, Hatîce Uçar, endamê Kongreya Demokratîk a Gelan (HDK) Abdurrahim Dag, endamê Kongreya Civaka Demokratîk (KCD) Ercan Aslan, Devran Ak, endamê Meclîsa DBP Salih Keleş û Şaredara Rezan a verê Yuksel Baran amey tepiştiş.
Sîyasetmedarê Kurd ke amey tepiştiş, berdîyay Midûrîyeta Polîsan ê Amedî.
AMED