Hemleya xelesnayişê Minbic roja 71. de ramena. Fermandarîya Meclîsê Lejkerî yê Minbic roja 69. yê hemle de aşkere kerd ke navendê sûk ra pîya se ra 90ê sûk çeteyan ra ame xelesnayen. Çarçoveyê Hemleya ke 1ê Hezîran de destpa kerd de heta nika bi desan dew û dewokî çeteyan ra amey xelesnayen. Herzewbîn verîya 3 rojan navendê sûk zî çeteyan ra xelesnîya. Dûştê çeteyanê DAIŞ operasyonê qûwetanê Meclîsê Lejkerî tayî taxanê bakûrê sûkî de ramenê. Tewr peynî de qewşaxê stratejîk Kure El-Erdîye çeteyan ra ame xelesnayen. Peycoy zî taxa El-Tibê çeteyan ra ame pakkerden.
‘DAIŞ ma rê zilm û zorvajî rewa kerd’
Heto bîn ra çeteyî sivîlan zey mertalî şixûlnenê. Quwetanê Meclîsê Lejkerî yê Minbic xêlê sivîlan çeteyan ra xelesna û neqlê cayanê ewle kerd. Çeteyê ke xo zey sivîlan damûsnenê hewl danê ke sûk ra biremê. Sivîlê ke amey xelesnayen aşkere kerdî ke 2014î ra na het çeteyê DAIŞ sûk de înan rê zilm, zext, talan, îşkence û qetlîaman rewa dîyo.
Minbicijan aşkere kerdî ke hona zî destê çeteyan de sivîlê rehîn estê û rîwalo ke Meclîsê Lejkerî yê Minbic înan xelesna berxodarîya xo ardî ser zon. Lejwananê Meclîsê Lejkerî yê Minbic day zonayen ke rîwalo ke sivîlî destê DAIŞ çe yê ê zaf hesas hereket kenê û aşkere kerdî ke iyê dê sivîlan bixelesnê.
ANHA/MINBIC