KURTAY SERHAT / ANF / ZAGROS
Ma saetanê sere sibayî de bêtelî ra musayî ke Xeregol de operasyon dîyayo destpêkerdiş. Eynî saetan de vera Kerkûkî de zî hêrişî dest pêkerdbî. Hêzê dagîrkerî reyna Kurdistan de mîyanê îttîfaqêko lêmin de bî.
Artêşa tirk Xeregol de vera 15 gerîlayan heme artêşe û teknîkê xo seferber kerdbî. Roja sifteyîne nizdîyê 10 saetan herême ser o bombe varnaybî û hewl dayêne aver şêro. Labelê artêşa dîyine ya NATO vera çend ciwanan de bêçare mendbî. Seba ke leşker û gerîlayî mîyanê yewbînan de bî, artêşe nêşênayêne bombe bivarno.
Babete ser o Rêbero ke o pêrodayîş de birîndar bîbî, qisey kerd. Rêberî va ‘ma operasyonî ra aşmêk verê ra amadekarîya xo kerdbî’ û wina dewam kerd: “Çimkî qereqolanê sînorî de her roje têgêrayîş estbî. Şewa operasyonî zî xora ma paweyê dişmenî bî. Heta serê sibayî bombe varnayî. Dima ra helîkopterî leşkerî ronayî û şer dest pêkerd. Mabênê ma û leşkeran de 5-10 metre mesafe estbî. Dima ra leşkerî xo antî.”
Rêberî dewamê qiseykerdişê xo de va ‘pêrodayîş de cenazeyê dişmenî kontrole ma de bî’ û wina domna: “Her ke leşkeran xo antêne înan bombe kerdêne. Hende bombe varnaybî ke êdî ma zî herême nêşinasnayêne. Ewja de pêrodayîşê girdî qewimîyayêne.”
Çîyê ke gerîla Rêberî ardî ziwan tena rojêkî de qewimîyayî. Yanî na hîkayeya xoverdayîşê rojêkî bî. No eynî wext de kilmehalê 40 serran o. Amanco raştikên yê hêrişkaran Tevgerê Azadîya Kurd û gerîla bî. Cewabêko ame dayîş zî tarîxî bî. Artêşa tirke nêşîna 15 gerîlayan û hîna Xeregol de kontrol zî destê gerîlayan de yo. No zî hêzê gerîla nîşan dano.”