Xeto û Remo dînên Dêrika Çiyayê Mazî ku bi qasî zeytûnên wê yên kesk navdar e û li cîhanê yekemcar peykerê wan hatiye çikandine. Ji her du birayan Remo beriya panzdeh alan ji ber nexweşiyên giran jiyana xwe ji dest da. Xeto jî di rojeke sar a Sibata par de ku elektrîk qut bûbû, ji bo xwe germ bike ketibû nav nivînên, lê dema xwest cixareyekê pê xe, şewat bi nivînên wî ket û jiyana xwe ji dest da.

Şewatê mala sar germ kir, lê bû sedem ku Xeto yê dilê wî bi qasî tava havînê germ bû jiyana xwe ji dest bide. Mirina Xeto li Dêrik û Mêrdînê rê li ber şînê vekir. 10 hezar kes beşdarî merasîma cenaze bû û tevahiya dikandarên navçeyê dikanên xwe girtin.

Çîroka peyker
 Şaredariya Dêrikê daxwaza şêniyên navçeyê ya ji bo çikandina peykerê Xeto û Remo nirxand û di sala 2003'an de biryar da ku peykerê her du birayan li kolana herî qelebalix a navçeyê bicih bike. Peykertiraş Şehabettîn Nebîoglû bi xebateke ji 6 mehan, peykerê Xeto û Remo temam kir. Taybetmendiya herî mezin a Xeto û Remo jî ew bû sixêf ji her kesî re dikir. Lê kes ji vê aciz nedibû. Piştî ku çêkirina peyker qediya, her kesî meraq dikir ka Xeto û Remo wê reaksiyoneke çawa nîşan bidin. Reaksiyona destpêkê ya Xeto û Remo ji bo peykerê xwe jî, mîna her carê kirina sixêfan bû. Şehabettîn Nebîoglû ê peykerê Xeto û Remo çê kir anî ziman ku di jiyana xwe hunerê de karê herî bedew ew çê dike peyker e û got, "Ew çavreşka gelê Dêrikê bûn. Ya rast, aqlê wan li serê wan bû, lê Xwedê aqlê wan hinekî biçûk çê kir û lê di dilê mirovan de bûn kesayetên mezin. Serbilindim ku min peykerê wan çê kir. Bila keda min li wan helal be."
Gelê navçeyê, pêdiviyên Xeto û Remo tedarik kir. Ji xwe tiştekî zêde nedixwestin. Tenê dixwestin zikê wan têr be û cixareyê bikşîne. Gelê navçeyê di tevahiya emrê wan de, ti carî ew birçî nehişt.

MÊRDÎN