Averşîyayişê lejwananê hemleya ‘Xezeba Firatî’ rameno. Quwetê ke kişta Silûk ra aver şonê, roja 6. yê hemle de dewa Wadî El-Wirûd ke 30 kîlometre dûrê dewa Qenterî de ya çeteyan ra xelesna. Quwetê na cephe 30 kîlometre aver şî û resyay dewa Hayîş. Dewa Hayîş de mavêna quwetanê hemle û çeteyan de pirodayişî vizêr dewam kerdî.
Quwetanê cepheyê Eyn Îsa zî yew girê (tepe) stratejîk ra pîya, 1 dewe û 3 dewokan çeteyan ra kerd pak. Lejwananê ‘Xezeba Firatî’ girê Şahîn ke ser çemê Belîx de yo ra pîya dewa El-Eric û 3 dewokê ke 13 kîlometre bakûrê dewa El-Etîye de yê xelesna. Dewa El-Eric de çeteyan xêlê mayinî bica kerdê. Herzewbîn goreyê zonayişan çeteyan Reqa de zî xêlê noxteyan de mayinî bica kerdê.
Seatanê ver şanî de zî quwetanê cepheyê Eyn Îsa dewa El-Hurîye, û yê cepheyê Silûk zî dewa Hîşe ke 20 kîlometre dûrê dewa Qenterê ya çeteyan ra xelesnay. Goreyê zonayişan çeteyan pirodayişan de xêlê vinîyî day.
ANF / REQA