QSDyî îzehetê xo de bale anto ser hêrişê çeteyanê DAIŞî û wina vato: “Reqa, hetê çeteyan ra sey merkezê xîlafetî yeno şinasekerdiş û ma mizgînîya destpêkerdişê hemleya azadkerdişê Reqa danî şarê xo. Na hemle şewa 5ê teşrîna peyên dest pêkerdo. Seba ke hêzê ma bi hawayo nîzamî aver şêrî, ‘Odeya Çalakîya Xezebê Firatî’ ameyo awankerdiş. Bi na wesîle ma vanî ke ma do heta ke operasyonê ma netîce gêno têkoşînê xo bidomnî. Ma senî ke Kobanê, Girê Sipîye, Hesekê, Hol, Şedadê û Minbic de ser kewtî, ma dê Reqa de zî ser bikewî.”
Do bi serkewte netîce bibo
Îzehet de ameyo vatiş ke operasyon do bi tewrbîyayişhe şerwanê tirkmen, ereb, kurd û hêzê koalîsyonî do ser bikewo û wina peynî bî: “Ma yewna rey veng danî hêzanê mîyanneteweyî ke wa bi piştîdayîşê leşkerî, lojîstîk û manewî hetê ma de bîbî. Reyna rêxistinê heqê merdiman zî seba xelisnayîşê Reqa yê destê çeteyan ra ganî wezîfeyê xo bikerî. Ganî şarê ma zî cayê ke çeteyî tede yî, ê cayan ra dûrî bivinderî û tewrê hêzê ma bibî.”
Fermandara QSDyî Rojda Felate bîlançoya pêrodayîşê ke vizêrî ra nata domîyenî aşkere kerde û va: “Hêzê ma yo ke Eyn Îsaye ra ver bi Rakka şono, heta nika 10 km aver şîyo. Vizêr şewe ra nata bi desan dewe û mezrayî ameyî xelisnayîş. Operasyonan de dewê Wehîde û Umî, mezrayê Qirtaca, Westa, Heran, Cera û sewbîna dewe û qezayî zî ameyî xelisnayîş. Na herême de çeteyî teşebusê hêrişê bombeyîn kerdî la ma înan asteng kerde. Wesayîtî bi çeteyan reyde ameyî îmhakerdiş. Herême de pêrodayîşî domîyenî û heta nika şerwanê ma bi moral û îradeyêko gird aver şîyî.”
Temsîlkara Odeyê Çalekîyanê Xezeba Firatî Cîhan Şêx Ehmed aşkere kerd ke 9 quwetanê lejkerî ra pîya, 30 hezar lejwanê QSD tewrê operasyona xelesnayişê Reqa benê.
REQA