Îbadetgehê Xirabreşkî ke tarîxê ci heta 11 hezar û 500 serrî kehen o, tarîxê merdimîye de merkezê îbadetî yo tewr kehen o. Nîsana 2016î de no îbadetgeho kehen de înşaatê viraştişê banî dîyabî destpêkerdiş û herçiqas ke tarîxê ci yê qedîyayîşî derbaz bîyo, reyna zî înşaat nêqedîyayo.
Mergê Serekê Kinitişî yo kehen yê Xirabreşkî Klaus Scmîdî ra dima rewşa Xirabreşkî nîna zanayîş. Herçiqas ke heta nika 18 aşmî derbaz bîyî zî Xirabreşk zîyaretî rê padaye yo û nîno zanayîş ke do key bêro akerdiş. Mudurê Muzeya Riha û Serekê Kinitişî yo kehen Muslum Ercan çarçewaya tehqîqatê FETOyî de kar ra amebî girewtiş.
Serekê Kinitişî yê Xirabreşkî yo newe Ferhat Karagozî va ‘tîya cayêkê înşaatî nîyo, cok ra merdim nêşeno vajo ke no tarîx de do biqedîyo’ û wina dewam kerd: “Ma hewl danî zirar nêro cayê tarîxî. Qismo sifteyîn qedîyayo û se ra 70ê qismo dîyine zî qedîyayo, labelê ez nêşena seba şima tarîxêkî bida.”
RIHA – MA