Gorê îddayan ra Goristanê Mîrzan o ke Semtê Yenî Mahalle de yo semedê ‘xizmetê’ Şaredarî zirar dîyo. Yeno vatiş ke Şaredarîya AKP taxe de depoyê awe viraşta la demê înşşatê depoyî de gelek mezelî taxrîp bîyê. Û demê înşaatî de asteyê mezelan rişyayê asfaltî ser o.
Bêhurmetî nîşan dîya
Welatî Omer Demîral o ke mezelê merdimê ey Goristana Mîrzan de bîy îzeh keno ke gelek mezelê merdimanê ey û mezelê bînî rîyê xebata şaredarî ra ameyê taxrîpkerdiş. Gorî vatişan ra lazim bi no depo 3 serr vere cû biamêne viraştiş la par weçînayîşê herêmî de bileze depoyê awe ameyo temamkerdiş û wexto ke depoyê awe amêne viraştiş zî gelek mezelî ameyê taxrîpkerdiş.Gorê vatişê Demîralî ra tena meseleya mezelan de bêhurmetî nîşanê qiymetanê şaran nêdîyaya. Kişta goristanî rayêk ameyo viraştiş û viraştişê rayî de gelek mezelê kan zî ameyê texrîpkerdiş’
‘Kes eleqedar nêbi’
Welatî Demîral îzeh keno ke Şaredarî hem ximet nêkena û wexto ke xizmet kena zî zirar dana Şaristanê Çewlîgî û wina vat ‘ Ma derheqê na mesela de zaf rey Şaredarî dir pêvînayîş kerd. Şaredar o wext m ara va ‘ma eleqedar benê’ la cuwa pey kes eleqedar nêbi. Ma ameyê mexdurkerdiş. Mezelê ma tena texrîp nêbîyê awe ke depo ser de şina zî yena mezelan ser. Eke wina şêro tîya de mezel nêmaneno’
DÎHA/ÇEWLIK