Serra ne  newan de mi Xarpête de wendegehê-mekteb- wendenê. Mi uca de kar zî kerdenê.

Ver nayê çî, mi tayê şarê Xarpêt weş şinasnenê.Xarpêt gore teber ra aseyeno hina niyo.
Xarpêt de her kesek, wayîrê di şexşîyîy o. Şexsê ke aseyeno dewlet perest o, şexşê ke  nêaseyen o nimtik vano ez Kurda. Ser no şexşîyîyê yew vîrardişê mi zî esto.
Rojek, ver Gole Hezarî de yew cayê werdegeh-lokante- de mi masî werdenê. Lokante ke mi werde werdenê, wayîrê lokante,  ze yew kesek MHP’yî ameyenê şinasnayîş, ame kiştê mi de nişa ru.
Hina aseyene ke serxoş bi. Raqî şimitî bi. Fek eyê re boy ameyenê.  Destpêkerd û qisêkerd. Dewleta Tirk ra zot-kufir- kerdenê. Vatenê “Dewleta Tirk dewleta faşîsta. Eger ewro yew mi bibo mîyanê gerillayê PKK, ez beşdarê gerîlla bena”.
Wexto ke no tewir qise kerd, meqsedê  eyê ayê bi kî mesaj bido mi. Zananê ez welatpareza, zananê heskerdişê mi gerîlla ra esto. Tehmîn kerdê ke eleqî mi gerilla ra esto. Mi fam kerd û ez xuyaya. Mi va, “Wexto ke şima Xarpêtij benî serxoş, Kurdîya şima yeno vîra şima. Ti ne gerîlla ra  benê ne zî xo ra benê. Gera ti ver heme çîyan eşkera wayîrê Kurdbiyayîşê xo bivejî. Ti hina nêkerî serxoşîyê to bivîyero ti reyna benê Tirk û faşîst”.
Mi hina qisê kerd wayîrê lokante zî xuyîya.
Tayê Kurd zî ze Xarpêtijanî. Zerriya nayen da di şexşîyet estî. Wexto kî bedel bîyero waştiş, werti de pere û rûtbi bibo benî Tirk. Benî tersonek. Werti de bedel waştiş çîn bibo, pere, rûtbi û kursî çîn bibo, Kurdîya înan yena vîra înan.
Nizdîbîyayîşê kesenê hina, Newroz ra zî hina bi.  Wexto ke, PKK û şarê Kurd bi can û bi gonî ye xo xoverada Newroz kerd Newroz, tersonekan zî destpêkerd û qalê Newroz kerd.
Newroza emsar na raştî reyna vet werti. Nika e bi cesaret e tersonek herkes bîyo şêr. Bîyo piling.
La seba nayê çîyê, herkes dendarê Mazlûm Doxan, Zekîye Alkan  heme şehîdanê Kurdîstan , gerillayê Kurdîstanî yo.
Seba nayê çîyê, herkes dendarê şarê Darahênî,Cizîre û Nisêbînî yo. Çûnkî caye ke ewwîl Newroz pîroz kerd o nayê caye.
Pey der pey heme cayê Kurdîstan de Newroz ame pîrozkerdiş.
Eger ewro bi mîlyonan Kurd vejîyenî meydanan û şoreş virazenî no ruh û cesaret  gerîlla û şehîdanê Kurdîstanî ra girewta.
Ez hina bawerkena ke, wexto ke hina bîyero ke, Kurdê ke xo înkar kenî û faşîstîyê Tirkan ra  serkeşî ancenî, e  ayê Kurd zî herkese ra zêdeyer vajena ma Kurd.
Yanî tersok bibenê şêr. Ma seker nê çîye zî  raştîya Kirdo ya.
Ez bi no fikiran ra Newroz heme şarê ma û şarê bîn pîroz kena.
Ez vana, Newrozê Şima Bimbarek bo.
Newroz Xoverdayîşa.
Newroz Azadîya.