Dewleta tirke 24 temmuze 2015’ê ra heta nika Kurdistan de hêrişê faşîzane ke ti huqiqê şer û qewlê mîyannetewî nas nêkeno û Vaşûrê Kurdistan zî tede, heme Kurdistan sero bi çarçoweya konseptê şerî de polîtîkayê lêminî dano meşnayîş. Dewleta tirke bi nêy polîtîkayanê xo wazeno dew, mehla û şaristanan de dagirkerîya xo rayna serwer bikera. Babete sero Koordînasyona Komalê Ciwan îzehetekê nuşteyî weşîna.
SîVîLAN QETL KENA
Koordînasyon verdewamîya îzehetê xo de bal anto ser hêrişê demê peynî sero û wina vato: “Rejîmê Tirkîyaye ya dagirker bi rojan a ke qedexekerdişê vecyayîşê teberî reyde şarê sîvîl keyeyê înan de hepis kerdo û hetanî eyro bi qetilkerdişê desan sîvîlan armancê xo yê raştin nîşan dayo. Şarê Kurdistanî serran o ke bi rayîrê aştî û demokratîk çareserîya persgirêka kurdî gêreno, no çareserî zî mîyanê pergala meclîsî de ano ziwan. Hemverê şaro ke bi serran o payîvê ameyîşê aştîyî yo, na di aşma ke hêrişê sey hovan dano meşnayîş. Rayna ame dîyîş ke dewlet hemverê cenazeya kurdan bêtehamulîya xo nîşan da û bi rojan cenazeyê ciwanê kurdan sînor sero ame vindarnayîş. Semedê ke Cizîr de tedaya polîsan estbî, şar nêşkena bi rojan cenazeyê xo hawano.” KONSEPTÊ ŞERÎ Koordînasyon îzehetê xo de ciresnayo ke wekîlê ke hetê şarî ra bi goreyê makeqanunan ameyî weçînayîş nêşkenî bidekewî şaristanê ke tede ameyî weçînayîş û wina domnayo: “Hetê nêy hêrişê ke Kurdistanî de yenî kerdiş, metropolê Tirkîyaye de zî çeteyê faşîst û hêzê şerê taybetî hemverê keye û cayê karî yê kurdan hêriş kerdî û waştî ke kurdan lînç bikerî. Hetê nêy hêrişan de bi Rayver Apoyî reyde aşma nîsane ra heta nika ti pêvînayîş nêameyo kerdiş. 27 temmuze 2011 ke rewşê Rayver Apoyî bi qewlê mîyannetewî ameyo temînatkerdiş ra heta nika ti pêvînayîşê bi pawitoxan ra destur nêameyo dayîş.”
SEY REFLEKSEK O
Koordînasyon hemverê nêy hêrişan de bal anto ser xoverdayîşê şarê kurdî û wina domnayo: “Şik çino ke şaro welatperwer û şorişger ê Kurdistanî kura de hêriş û dagirkerî esto se, kura de dewlet semedê şarê Kurdistanî zilm keno se, do şar zî heqê xo yê xopawitişî bixebetno. Ti kes nêşkeno bivaco ke wa şarê kurd fek xopawitiş û welatê xo pawitiş ra verabido. Ma sey ciwanê Kurdistanî qet şerî semedê çareserkerdişê persgirêkan nêvîna. Labelê rejîmê faşîst û dagirker her tim şarê Kurdistanî ra teslîmîyet û milê xo çewt kerdişî dayo kurdan ver.”
ANF/BEHDÎNAN
Ciwanî Şêx Seîd û Seyîd Rizayî dima yî
Koordînasyona Komalê Ciwan îzehetê xo wina peynî kerdo: “Ciwanê kurd ke xeta Şêx Seîd û Seyîd Rizayî ra yenî, demo verên de senî kerdbî se do eyro zî wina xover bidî. Kurdistanî de heta ke dagirkerî biqedyo do duştê xoverdayîşî bêro berzkerdiş. Şarê kurd senî ke Kobanêye de bi xoverdayîşî qezenc kerd do Cizîr, Silopî, Gever û Sûre de zî qezenc bikero. Papolê ke şehîd Gelhat û Êrîşan gonîya xo rijnayo, do azad bikero.”