Bayik ke derheqê pêdiyayişê bi Rayverê Şarê Kurd û Mehmet Ocalanî de qisey kerd hayr ant muhîmîya xoverdayişê şarê kurd ser. Hemserokê Konseyê Rayverîn ê KCK Cemîl Bayikî aşkere kerd ke eke xoverdayişê şarî nêbîyaba, dewleta tirk do nêviradîyaba bira Ocalan şiro Îmrali û va, xoverdayişê şarê ma ser, dewleta tirk mecbûr mend ray akero û pêdiyayiş bido viraştiş.
‘Xoverdayişî sist mekerê’
Bayikî eleqe ant kay û taktîkanê dewleta tirk ser û wina va: “Rojanê peyinan de, zextê Tirkîye ser bî vêşî. Xoverdayişê kurdan her roj heveyna bi gird. Fina nêrazîbîyayenê kurdan ê verra îşgalkarînê dewleta tirk estbî. Hêrsê kurdan ê verra xespkerdişê şaredarîyan estbi. Dewlet ferq kerd ke xoverdayiş do bibo vila, cok ra vernîyê pêdîyayişî akerd.” Bayikî hayr ant nûmayiş û xoverdayişê kurdan ser û va ‘ganî kes mevajo senî bo pêdiyayiş virazîya û ma xoverdayişî biqedînê’ û wina dewam kerd: “Ganî şarê ma xoverdayişê xo sist mekero, eksê ci hera bikero. Çike talukeyê verra Rayver Apo û tecrîdê Îmralî rameno.
Xespkerdiş êrişê verra îradeyê şarî yo
Hemserokê Konseyê Rayverîn ê KCK Cemîl Bayikî xespkerdişê şaredarîyanê DBP zî, zey derbe û êrişê vera rûmetê kurdan hesibna û va: “Lazimo şarê ma, tayinkerdişê qeyûman, zey êrişê vera îrade û rûmeta xo bivîno. Heme hetan ra wayirê rûmetê xo bivejîyo. Wayirê îrade, kamî, kultur û ziwanê xo bivejîyo. Şaredarî xizmetê ziwan û kulturê kurdî kenê. Coka ganî şarê kurd, vengê xo berz bikero. Verra dewleta tirk lejî zî bigîro ver çiman. Eke wina nêkero, iyê şaredariyanê bînan zî xesp bikerê, iyê dê wekîlan zî bigîrê.
BRUKSEL