Cinîyanê Gurgumî 2016 de vera Kampa AFADî ya dewa Terolarî ya qezaya Dulkadîrî ya Gurgumî, çalakîye viraştbî. Kesê Terolar de cuyenî qirkerdişê Dêrsimî, Gurgumî, Çorumî û yê Sêwasî xo vîra nêkerdê. Elewîyê ke herême de cuyenî bi serran o mecbûr mendî ke koçê Ewropa û metropolanê girdan bikerê. Nika bi polîtîkayêka cîya ya asîmîlasyonî reyde têrî yî. Cinîya bi nameyê Done Goksungure sembolêka xoverdayîşê Terolarî ya. Done hîrê birayê xo têkoşînê azadî de vinî kerdî û heta nika qet fek têkoşînî ra veranêdaya. Doneye wina va: “30 serrî yo ke ez na dewe de cuyena. Vera kampe de xoverdayîş ame dest pêkerdene, la xoverdayîş bênetîce mend. Çimkî tayê kesê ke mîyanê ma de yî, hewl dayî xoverdayîşê ma pasîfîze bikerî.” Doneye da zanayene ke polîtîkaya bextwaştoxan ya Tirkîya leşin a û wina va: “Wazenî ke ma zî koç bikerê. Bitaybetî Terolar de elewîyê kurdî estî û HDP zî tîya ra rayan gêno. Ma wina fikrîyenê ke no semed ra tîya de kampe ameya viraştene. Wazenî elewîyanê kurdan pasîfîze bikerê. Ma vera bextwaştoxan de nîyê la ma kayê ke bextwaştoxan ser o yenî kaykerdene, zanê. Qirkerdişê Gurgumî yeno zanayene. Na rewşe de beno ke qirkerdişêko bîn bibo. Ganî ma sere wedarnê û vera nê polîtîkayanê lêşinan de vinderê. Bitaybetî xoverdayîşê Terolarî ra dima polîtîkayêka ajanîye eştî dewre. Ez no het ra veng dana heme dewijanê ma ke wa xo rêxistine bikerê.”  JINNEWS / GURGUM