Weçînayîş ra hîrê rojî mendî. Netîcê no weçînayîş herkes meraq keno. Çi Kurdîstanij û çi xerîb benî, netîceyê no weçînayîş pawenê.

Ayê ke netîceyê no weçînayîş pawenê, zanê weçînayîş dima ra se beno.

Hemserokê HDP Selahaddîn Demîrtaş zelal vat, “Eger HDP bend derbas nêkero, AKP weçînayîş dima ra pê arteşê Tirk kewna Rojava û Surîye.”

Hema hema pêronê rayedarên HDP zî vanê, “Kam ke rayê xo bido HDP rayê xo dano aştî. Kam ke rayê xo bido AKP, rayê xo dano şer û çeteyên DAÎŞ’ê”

La celad û dîktator Recep Tayîp Erdoxan se vano? Vano, “Ma xo ra “qanûnê asayîş“ veta. Kam hemverê ma bivejîyo, çi destê ma de bîyero ma kenî. Ma hemberê HDP zî texsîr nêkenê. Ma gore nayê planê A, B û C anî ca.”

Nê qiseykerdişan ra eşkera vejîyena werti. Kam no weçînaşîş de rayê xo bido HDP, rayê xo dano aştî. Kam ke rayê xo bido AKP, rayê xo dano şer û çeteyên DAÎŞ’ê.

Zobî ti mane no weçînayîş çino. 

Gera pêronê şarê kud destê xo bido ser wijdane xo gore nayê rayê bi şuxulno.

No weçînayîş hina muhîmo. 

AKP û sermîyanê AKP heta nika kiştiş, dizdî kerdenê, înkar kerdenê vatenê, “Çîyo ke ma pê tir ra şirawito Rojava, dermano.”

La bi vîdeo vejîya werti ke, “Çîyo ke AKP pê tiran şirawito Rojava û Surîye sîlah o.”

Reyna Recep Tayîp Erdoxan û Ehmed Dawidoxlî verê cû vatenê “Ma çîyê tiran qey Tirkmenan şirawitî.”

Sermîyanê Tirkmenan zî vat, “AKP ma ra çîyêk zî nêşiriwito.” Nika zî eynî çîyê vanê. 

AKP’yîyan verê cû ver çimanê herkesî zurî kerdenê. Herkesî zurekerîya AKP dî. 

AKP nika(ina hew) zî vana, “Çîyê tiran sirê dewletê, yew neşkeno siranê dewlet eşkera bikero. Aye ke hina kenî ajanê”

Recep Tayîp Erdoxan wirzeno vano, “Ez Can Dundar ceza kena.”

Hina bîyo ke çîyêk nimiti nêmendo.

Pêro lîşin û limineya AKP vejîya werti.

Eger AKP, no weçînayî de serbikewro, weçînayîş dima ra wazena Kurdîstanê de şerêk giran bido destpêkerdiş.

R.Tayîp Erdoxan, Ehmed Dawidxolî û AKP wazenê zê Dehaqê celad gunê şarê kurd birijno.

Ciwanê şarê kurd bikişo.

Kurdîstan vîran û xirab bikero.

Şarê Kurd gera na raştîya AKP bizano, gore nayê rayê xo bişuxulno.

Kam vano ez aştî wazena, wa rayê xo bido HDP.

Kam vano ez nêwazena şer bibo, wa rayê xo bido HDP.

Kam vano ez azadî wazena, wa rayê xo bido HDP.

Kama vano ez wazena Kurdîstanê Azad bivirazîyo, wa rayê xo bido HDP.