Goreyê îzehetê Rêxistina Weşîye ya Dinya welatê Yemenî de 27ê Nîsana ke nêweşîye ameya dîyayîş ra nata pêro pîya 955 hezar 516 nêweşî ameyî dîyayîş û na nêweşîye ver 2 hezar 218 kesî merdî.
Nêweşîye heta nika 22 bajaran ra 21ê ci de vila bîya û tena bajarê Sokotraye de nêweşîye nêameya dîyayîş. Bajaro ke tewr zaf nêweşîye tede ameya dîyayîş, bajarê Hudeyde ya. Hudeyde heta nika 138 hezarî ra zêde nêweşî ameyî dîyayîş.
Ambargoya koalîsyono ke rayberîya ci Erebîstano Siudî keno ver welat de 3 mîlyon kesî nêşênî awa temîz bişimî û reyna seba ke eşteyî nînî arêkerdiş, rîskê nêweşîya koleraye her ke şono hîra beno.
ANF/BRUKSEL