Bi aşmano ke ser Kobanê hêrişê çeteyê DAIŞ domyeno, verba nê hêrişê çeteyê DAIŞî zî 4 aşm verê Tuba Karaer (Vejîn Koçer) beşdarê xoverodayişê Kobanê bibî la Karaer di 22 citmenge de cuyayişê xo vinîkerd. Tuba dema ke di zanîngeha Ardahan de beşa edebîyate wendî çend ra hetê polêsan ameybi binçim girewtiş. Tuba di zîndana Erzirome de Kovara Venga Cenîyan de xebat kerd. Dema ke ateya a Muhabbet Karaer (Vejîn Êlih) cuyayişê xo vinîkerd, no deme Tuba raşteyê xo tada Kobanê. Birayê Muhabbet û Tuba seba wayê xo qise kerdî.

XELA HEQÊ TO YO
Waya Tuba Karaer, Esra Karaer vat ke a her tim di hetê Tuba de bîyo û hetanê lîse zî pîya di dibistan de wendî û wina vat: “Ez û Tuba ma her tim pîya voleybol kaykerdî. Dema ke taxima qezenc kerdî, no deme Tuba min ra cigêryaynê, eke taxima a qezenc bikerdê no deme ez a ra cigêryaynê. Min ra vatê; ez pîlê to ya, ganî min topê bieştî û ez qezenc bikerdî. Min zî no vatişê a ser xemgin bi û min zî a ra vat; ma hewna kaybikerê û no demî ti qezenc bikere. Min verê her kesî vat; na xelaye ez seba ate xo girewta. Dema nameyê a wendî, no demî a zaf keyfweş bi û ame hetê min, min ra vat aferîn to ra. Tuba zaf heskerdî qesaba bora.”
Karaer aşkera kerd ke dema ke ateya a şehîd kewta, no deme Tuba hîna zîndane de bîyo û wina domna: “Ez û dayika xo ma pîya pêvînayişê, Tuba şîyê, dema ke ma dîy, no deme zaf xemgin bi. Min zî dema ke a vînaynê no deme ez bermaynê. Ma nêşkîyay şehîdbîyîşê ate xo bivajê. Ez bawera ke eke cenî mîyanê ganî xo ronayo se, do yew roj na şar qezenc bikero. Zaf çik est o ez vaja la nêeşkeno bivaja. Çimê Tuba, verê çimê nêşona. Qet bêveng nêbî her tim qal kerdî la belê di zereyê no kefenî de bêveng mend.”
Hewna Gamze Karaer zî ciresna ke Muhabbet ra qisekerdiş zaf zor o, çimkî Muhabbet qisekerdiş rê nê aşm nê zî rojan qiym keno û wina vat: “Yew roj Muhabbet min ra di Îzmîre de vat ma pîya şîrê Newroze, hetanê a roj ma zananaynê ma kurd ê la ma qet çalakîyan beşdar nêbibî û ma îşaretê serfiraze nêkerdbî. Ma feodal bî, destê sewbî mêrdeyan kaykerdişê govend zî seba ma şerm bi. Tam no raşteyê Muhabbet hem kaykerdî hem zî goveng girewtê. Ez kewta govendî. Ma zaf hewl day Muhabbete kovare ra dûr bivesnê la nêbî.”
Karaer dîyar kerd ke Tuba di destê a de pîl bîya, hîna Tuba di serra bi, îşaretê zaferî kerdî û wina domna: “Serrê 90’an Êlihe di paça ma de Tuba îşaretê kerdî. Yew roj yew merdimê ma do na kêna koyê ra şîro. Min zî no deme Tubaye ra yew lepat eşt û min a ra vat; do to bikeşê. Tuba xo ra ewnîyaynê û xo ra zaf hes kerdî. Tuba cuyayişê zaf hes kerdî, Tuba hîna di çimê min de doman bi û no ser zî merdişê a nêeşkena qebul bikera. Di dinyaye de zey cenîya kurd, qet bi cesaret cenî çin o. Ma ganî verba çeteyê DAIŞê yew bibê û têkoşîn bidê. Eke wekîlê kurdî yê AKPî de şeref est o se, polîtîkayê AKPe ser AKPe ra îstîfa bikerê.”

Keko Yilmaz Karaer zî aşkera kerd ke Muhabbet zaf bi lezî meşîyaynê, no ser ey zî yew roj Muhabbet ra vato: ‘Muhabbet ez bawera ti yew roj gerîla bibê.’ Zatî peynî Muhabbet gerîla bi.


ASÎYE TEKÎN - DERYA CEYLAN-JINHA/ÊLIH