Hetkarê Serekê Pêroyî yê Federasyonê Elewî Bektaşî (ABF) û Sekreterê Pêroyî yê Komeleya Kulturê Pîr Sultan Abdalî Bulent Kaya wextê derbeya 12ê êlule de gureyê xo ra amebî dûrîvistiş û nika zî reyna gureyê xo yê Wezaretîya Ewleyî, Sosyal û Xebate ra zî (ÇSGB) ra ame dûrîvistiş. Kaya no 2 rey o ke gure ra yeno dûrîvistiş. Wezaretîye bi îddaya ‘FETO, PKK û DHKP-C reyde têkilîya ci esta’ Kayayî gure ra dûrî visto.
Babete ser o Bulent Kayayî qisey kerd.
‘Hereketêk Îslamî û faşîst
Kayayî dest bi qiseykerdişê xo kerd û va: “Badê derbeya 12ê êlule ra nata heme hetê muxalîfî ameyî hedefgirewtiş. Hukmat hawayêko topyekûn wazeno ke heme şaran, taybet zî şarê kurdî, demokrat û elewîyan çin bikero. Derbeya 12 êlule de aktîvîst, roşnvîr û pêşengê şarî ameyênê hedefgirewtiş. La nika heme hetê muxalîfî yenê hedefgirewtiş. Dewlete wazena ke faşîzmo otorîter Tirkîya de awan bikera. Kesê ke no proses de cêrzemînan de ameyê veşnayîş zî wa nêrî vîrîkerdiş. Nika zî wazenê ke muxalîfan bi no hawa qetil bikerî.”
Îslamo siyasî xo komel ser de ferz keno
Kayayî qiseykerdişê xo wina qedêna: “Tarîxê Osmanîyan ra nata şarê elewî hêrişê komare reyde rî bi rî mendê. Dewlete tena yew wext daxî rêze nîşanê bawerîya elewîyan nêdayo. Îslamo siyasî bawerîya xo komel ser de ferz keno û wazeno ke heme kes sey bawerîya îslamî hereket bikerî. Ez veng dana heme kesanê elewî, kurd, demokrat, kedkar û sosyalîstan ke wa bêrî têhet. Ma nêverdê ke dayîkî wa hesire birijnî.”
DÎHABER / ENQERA