Vera êrişan ceniyê Kurd zî bi rayverîna YPS-Jin, pawitişê şarî kenê. Azaya YPS-Jin, Arjîn Amed ke derheqê pirodayişan de qisey kerd, vist vîrî ke, vera sereştişanê dewlet xoverdayiş kî beno berz. Amed da zonayene ke, zey Qûwetê Pawiten, ê dê heta peynî xover bidê û wina va: “Dewlet nêşena-besenêkena xoverdayişê ma bişikno. Nê cayî mehle-taxe ma yê, ca yo ke ma ameyî dîna, biyê pîl yê, cayê şarê ma yê.''
Omidê cuwyana azad
Azaya YPS Arjîn Amed bi nê vatişan hayr ant êrişanê vera şar û kulturî ser: ''Vera taxan, cayanê tarixî serestisê girdî estê. Qûwetê Pawiten zî qabê vernî girotişê nê êrişan ameyî ronayene. Cenî tewr vernî de ca gênê.'' Amed vist vîrî ke wextanê herbî de tewr jêde cenî tengasî ancenê. ''Demê herbî de tewr vêşî cenî rastê şîdet, taciz û her şiklê têde yenê. Hinî kes zey verî bi berbayîş, qiîrayiş û qiseyan tekoşîne nêrameno. Bi eno xoverdayişî vejiya werte ke qûwetê ma esto ke, ma na dewlete birijnê.’’ Arjîn Amed veng da pêrokîn ceniyan ke omidê xo vinî nêkerê û va, hinî Kurdistan de zey verî weşî nêbena. Serva weşiye gunê xoverdayiş bîro dayene, niya weşiye û xoverdayiş benê jû. Amed herkesî ra waşt ke, dormê omidê weşiya serbest de bibê jû.
DÎHA/AMED