YXK’ê bi dezgehên îmze û agahdarkirinê yên ji bo Ocalan vekirine, heya niha nêzî 2 hezar îmze komkirine. Her weha bi hezaran broşûrên der barê ‘Xweseriya Demokratîk’ û ‘Pirsgirêka Kurd’ de hatin belavkirin. Endamên YXK´ê di çarçoveya kampanyayê de ji Parlementerê Partiya Çep ya Parlementoya Federal ya Almanya Nicole Gohlke, gelek siyasetmedarên federal û herêmî, endamên Meclisa Şaredariyê jî piştgirî wergirtin.

Endamên YXK’ê dan zanîn ku, ew ê ji niha û pê de jî di çarçoveya kampanyayê de xebatên xwe  birêve bibin û armanca wan ew e ku îmzeyan bigehînin 50 hezaran. Ji ber vê çendê dane diyarkirin ku, ew ê di çalakiyên Çepgiran de dezgehan vekin û plan dikin ku aliyên çepgir, muxalîf û demokrat yên Almanyayê jî tevlî vê kampanyayê bikin. Endamên YXK’ê destnîşan kirin ku ew ê çalakiyên xwe yên balê dikişînin ser tecrîda li ser Ocalan zêde bikin û bang li ciwanên Kurd kirin ku hîn bihêztir tevlî çalakiyan bibin. 

MUNIH