Tirkîya de zewecnayîşê domanan zêdîyeno. Qezaya Kîrazî ya Îzmîrî de domanê 12 -15 serreyî yenê remnayîş û bi zorî yenê zewecnayîş. Keyeyê domanan rê mabênê 20- 40 hezar TLyî de pere yeno dayîş û bi no hawa îstîsmar yenê meşrûkerdiş û nimitiş.
Na rewşe tena qezaya Kîraz de ney dewê qezaya Kemalpaşayî Damlacik, Yukariyenmîş û Aşagiyenmîş de zî yenê dîyayîş. Şarê herême qala rewşa domanan kerdî û wina vatî: “Keyeyî keynayanê xo nêdanî wendiş û badê mektebo seretayî domanan bi zorî zewecnenî.
Domanê şenikî bi camêrdanê pîlan reyde yenê zewecnayîş. Domanî seba ke şenikîya xo de yenê zewecnayîş heta 18 serreyîya xo mareyê fermî nîno birnayîş. Domanê ke mareyê înan yeno birnayîş, o wext xora wayîrê domanan î. Muzîsyenê ke şonê veyveyan zî vanê; domanê ke yenî zewecnayîş vanê qey zewac kay o. Herême de zewacê domanan bîyo sey edetî. Keyeyan rê bin nameyê ‘pereyê şitî’ de pere yeno dayîş.
ŞÛJIN/ÎZMÎR