24ê temmuza 2018î de sereka Cemxaneyê PSAKDî Zeynep Yildirim, Stenbol de keyeyê xo ra ame binçimgirewtiş û peynî zî tewqîf bî. 20ê Nîsane de do Adlîyeya Çaglayanî ya Stenbolî, Dadgeha Giran a 35ine de doza Zeynep Yildirime bêro dîyîş. Sereka Meletî ya PSAKDî Latîfe Ulutaş seba Zeynep Yildirime vengê wayîrvejyayişî da û bal ant no welat de taybetî elewî, çepgir û muxalîfan ser o teda û zilmî ra û wina va: “Hetê nasnameyê muxalifî, bi nasnameyê cenîye, eke no welat de şima heqê merdim û azadîye bipawe, no dem teda û zilm di qet zêdîyena.” Latîfe Ulutaş tewro peynî destnîşan kerd ke Yildirim bi nêheqî yena girewtiş, wa her kes doza Zeynep Yildirime beşdar bibo û wayîr bivejo, Zeynep Yildirime ra azadî. MERKEZÊ XEBERAN