Zîlan yad bena

 Ena çalekîya Zîlan ters û xof kerd zerreyê rayverîna dewleta tirk. Peynîya çalekîya Zîlan de, 7 lejkerê tirk merdî û 29 ci zî bî dirbetin. Na çalekîya Zeynep Kinaci Kurdistan û Tirkîye ra pîya pêrokîn dinya de veng da.  

Zeynep Kinaci serra 1972 de, Meletî de amê dinya. Mektebê sifteyîn, werte, lîse û zanîngeh Meletî de qedîna û bî teknîsyena rontgenî. Serra 1994 Edena de, tewrê xebatanê rêxistinî bî. Badê jû ser, Dersim de tewrê refanê gerîla bî. Zîlan wextekê kilmî miyan de, bi îdîa, qerardarîn û moralekê berz, eleqe ant xo ser. 

Zîlan xo derheqê îdolojîyê PKK û fikrê xo kerd xorîn. Bi na xorînayîya fikrî qerarê çalekîyeke gird da. No qerar qerarê serva azadî xo fedakerdiş bi. Zîlan çarçoveyê no qerarî de 30ê Hezîran a 1996î de, miyanê Dersim de, bombeyê xo sero, miyanê merasimê lejkerîn ê artêşa tirk de teqîna. 

Rêxistinê cenîyanê Kurd YJA-STAR, PAJK, KJK sembola azadî Zîlan vîrardî û sozê ca ardişê tekoşîna ci day. Zîlan herzewbîn zerre û teberê welatî de zî bi nûmayişan yena yadkerden.