Ameyîşê zimistanî reyde dinya bî serd. Herêmê ke tewr zêde benî serd ra yew zî Dêrsim o. Hewteyêk o ke qeza û dewanê Dêrsimî de vewre dest pêkerda. Na rewşe tewr zêde tesîrê xo dana dewanê ke bi heywankarî debara xo kenî ro. Dewijê Mezraya Hecî Cemalî ke 7 keye aye de estî zî bi heywankarî debara xo kenî. Dewijî bale antî zor, zehmetî û rindîya zimistanî ser o.
Derheqê babete de dewijan ra Muslum Karakuşo 56 serrî û Makbule Karakuşe qisey kerdî û vatî: “Yeno ma vîr nîmo ma vîr, ma heywankarî kenî. Heywankarî tewr zêde zimistanî de zehmet o. Çimkî heywan zerre de yî. Nizdîyê 200 pezê ma estî. Ma wazenê şêrî zozanan, la qedexekerdeyî. Serra 1994î de dewa ma ame vengkerdiş. Ambargo ronayî dewan ser o. Ma koçê xeylê bajaranê cîya cîyayan kerdî, la ti cayêk sey dew û herra merdimî rind nîya. Ma cuya dewe ra zaf kêfweş î. No proses de zaf zehmeto ke merdim debara xobikero. Ganî heme kesî agêrî dewanê xo.”
DÊRSIM