20ê hezîrane de 80 hepsîyê ke surgunê Zîndanê Tîpa Tyî yê Tarsusî bîybî, raştê îşkenceyê leşker, polîs û gardîyanan ameybî. Heto bîn ra heqê telefonî zî nêdîyeno hepsîyan. Reyna demêko derg o ke hepsîyan ser de cilanê tek tîpan danî ferzkerdiş.
Cok ra 52 hepsîyê cinîyî seba 5 rojan kewtbî grevê vêşanî û nê cinîyan ra 12 kesî zî grevê xo kerdî bê dore û agêrayîş. Nê cinîyan ra yewe zî Remzîye Daşlike ya. Babete ser o dayîke û pîyê Remzîye Daşlike qisey kerdî û vera nê kerdişan de reaksîyon nîşan dayî.
Pîyê aye Sabrî Daşlikî va ‘kênaya mi 2016 de bi îdîaya bombeya ganî ameye tepiştiş û tewqîf bîye’ û wina dewam kerde: “Badê ke 6 aşman Zîndanê Amedî de mende, surgunê Zîndanê Xarpêtî bîye. 6 aşman ra dima zî surgunê Zîndanê Tarsusî bîye. Kênaya mi 20 rojî yo ke grevê vêşanî de ya. Kênaya mi seba ke bale bianca tecrîdo ke Rayberê Şarê Kurd Abdullah Ocalanî ser de yeno meşnayîş, kewta grevê vêşanî. Hepsîyî raştê heqaretê gardîyanan yenî û qedexeyê telefonî dîyayo înan. Reyna gardîyanî wazenî cilanê tek tîpan bi înan bidî xoradayîş.”
Ez nêwazena zerrîya dayîkan bidejo
Dayîka aye Saadet Daşlike zî va ‘roja ke kênaya mi kewta zîndan nêweşîya mi ya şeker û tansîyonî zî aver şîya. Ez wazena ke wa kênaya mi serbest vera bidî. Ez nêwazena wa zerrîya dayîkan bidejo. Wa îşkenceyî peynî bibî.”
ANF/AMED