Necmetîn Olmez 9ê Gulan de Colemêrg de pê îdîayê azayê rexistin tepişya. Olmez şawiya guretxaneyê Tipê M ê Wan. Yew aşm cuwapê Olmez Tipê F de gerîya hûcre. Necmetîn Olmez rixmê niweşê zerrî yo, 4 aşmîyo teyna yew hûcre do. Olmez semedê eleqa ûntişê rewşê tepişteyanê niweşan ser kewt grevê bêwaxt ê vêşanî.
Raştê îşkence ame
Kênaya Olmez, Nazîme Olmez arde zûne ke ê vera nayî veciyay la îdareyê guretxaneyî qe yew cevab nêda înan. Nazîme dazûnayene ke babiyê ayê pê îfadeyê şahîdo nimite tepêşîyo û va: “Sey tepiştişê babiyê ma eştişê ey ê hucre eştişe zî çiyekê bêhûqûqo. Heto bîn ra tepişteyê dawa PKK ra Ozgur Azad Încî ke 18 serrîyo tepişteyo û girotxaneyê Osmanîye de maneno rastê îşkence ame. Încî ke nêweş o wexto berdişê nêweşxane de raştê îşkence ame.
Serpirodayişê waştişê tedbîrî yê pawitoxa Ergîn Aktaş Gulîzar Tuncel hetê AYM ame redkerdiş.
Rojvano 6 aşmî zî zindan de yo
Hûnca cenîya bi nameyê Leyla Eleftoz Baran zî Mêrdîn-Qoser de amêbî tepiştiş. Dadîya gerguşê 6 eşmî Eleftoz Baran bi (pa) lajê xo Rojvanî ra guretxane de ya. Waye Leyla Baran dazûnayene ke wayê aye zerre de zaf tengayî ûncena. Gergûş Rojvan vêşun û ço (kes) şit nêdano ci.
Per bîn ra Stenbol de îşkenceyê guretxaneyan pê yew çalakî şermezar bi. Komela Paştdayiş ê Tepişteyan TAYAD pê eşkrakerdişa eleqa ûnt guretxaneyan de zilmê AKP ser. Eşkerakerdiş de vaciya ke rojan peyinan de rayverê hukumet vanî ' guretxaneyan de eşkence çîno.' Hetûn vizêr vengê çoy nêveciyan la yew hefteyo hergo yew eşkerakerdişî diyene. No zî miyejneno ra ke guretxaneyan de eşkence est û wazene ke binimnî. La seken wa bikerî qê yew raştî hetûn pênî mûyn nûmûnena.
NAVENDÊ XEBERAN